Հնդկաստանի սեյսմոլոգիայի ազգային կենտրոնի տվյալներով, կիրակի օրը Ասամ նահանգում տեղի է ունեցել 5․8 մագնիտուդով երկրաշարժ։
Այն գրանցվել է տեղական ժամանակով 16։41-ին, իսկ էպիկենտրոնը գտնվել է Ուդալգուրի շրջանում։
Պաշտոնյաների վկայությամբ, երկրաշարժի խորությունը կազմել է 5 կմ։ Ստորգետնյա ցնցումները զգացվել են նաև Հնդկաստանի հյուսիսարևելյան այլ նահանգներում և հարևան Բութանում։
Պաշտոնական աղբյուրները հայտնել են, որ զոհերի կամ նյութական վնասի մասին հաղորդումներ չեն ստացվել: