ՀՀ պետական պարտքը նոյեմբերի 30-ի դրությամբ կազմել է 7 մլրդ 947.4 մլն դոլար. այս մասին 1lurer.am-ը տեղեկացավ ՀՀ ֆինանսների նախարարության հաշվետվությունից:
Այդ գումարից 7 մլրդ 466.2 մլն դոլարը ՀՀ կառավարության պարտքն է, որից 5 մլրդ 523.6 մլն դոլարը՝ արտաքին, 1 մլրդ 942.6 մլն դոլարը՝ ներքին պարտքը: ՀՀ ԿԲ պարտքը կազմել է 481.2 մլն դոլար:
Նոյեմբերին ՀՀ պետական պարտքը նախորդ ամսվա համեմատ նվազել է 29 մլն դոլարով: Նվազել է հիմնականում ՀՀ ներքին պարտքը՝ 63.5 մլն դոլարով, իսկ արտաքինն ավելացել 30.6 մլն-ով: