«Վեոլիա ջուրը» ջրի սակագինը մոտ 43 դրամով բարձրացնելու՝ 223 դրամ դարձնելու հայտ է ներկայացրել, սակայն Հանրային ծառայությունները կարգավորող հանձնաժողովն առաջարկել է սոցիալապես անապահով սպառողների համար չբարձրացնել, իսկ մնացյալի դեպքում սահմանել մոտ 200 դրամ կայուն գին՝ 10 տարվա համար:
Հիմնավորումը ներկայացրել է հանձնաժողովի նախագահ Գարեգին Բաղրամյանը:
«Սոցիալապես անապահով սպառողների խմբի համար գինն ընդհանրապես չփոխենք, պահենք գործող գները, իսկ մնացած սպառողների համար բյուջեից վարձակալության վճարներով գնի զսպում չիրականացնենք: Նշանակում է նաև, որ վարձակալության պայմանագրում նախատեսված հաջորդ և մյուս տարվա բարձրացումները նույնպես չեն լինի, բայց նաև վերջին 3-4 տարվա՝ մինչև 200 դրամի նվազեցումները չեն լինի»,- ասաց Բաղրամյանը: