Գյումրու ավագանու արտահերթ նիստի օրակարգում 13 հարց էր։ Չնայած եզակի դեպք էր, բայց այն ավելի քան համերաշխ մթնոլորտում ընթացավ։ 13 հարցերից միայն մեկին ՔՊ-ն ձեռնպահ քվեարկեց, այն էր Գյումրու Ճերմակ հիվանդանոցի շենքը վաճառելու մասին նախկինում կայացրած որոշումը չեղարկելը, քանի որ հստակ չէր` ներդրողներ կլինեն թե ոչ: Նիստը փոքր ինչ թեժացավ, երբ ՔՊ խմբակցության ավագանու անդամներից Քնարիկ Հարությունյանը համայնքի գույքը հետ վերադարձնելու Ղուկասյանի նախաձեռնությունը ողջունեց, հետո հարցրեց, թե ինքը` Ղուկասյանը, երբ է օրինակ ծառայելու և համայնքին վերադարձնելու այն գույքերը, որոնք տարիներ առաջ սեփականաշնորհել է: