Հարավային Կովկասի հարցերով ԵՄ հատուկ ներկայացուցիչ Տոյվո Կլաարը մտադիր է սեպտեմբերի 14-ին տարածաշրջան այցելել: Ադրբեջանի արտգործնախարար Ջեյհուն Բայրամովի հետ զրույցում հայտնել է ԵՄ գերագույն ներկայացուցիչ Ժոզեպ Բորելը։
«Հարավային Կովկասում ԵՄ ներկայացուցիչը ճանապարհ է ընկել դեպի տարածաշրջան` աջակցելու խաղաղ երկխոսությանը»,– գրել է Բորելը թվիթերյան իր էջում։
Նա միաժամանակ նշել է, որ Բայրամովի հետ հեռախոսազրույցի ընթացում կոչ է արել թուլացնել լարվածությունը և պահպանել հրադադարի ռեժիմը։ Ըստ Բորելի` անհրաժեշտ է անհապաղ խաղաղ երկխոսություն սկսել։