ՀԱՊԿ ուժերը Ղազախստանում կմնան այնքան ժամանակ, որքան անհրաժեշտ է, և իրենց գործառույթները կատարելուց հետո զորախումբը դուրս կբերվի երկրից: Հայտարարությունը ՌԴ նախագահ Վլադիմիր Պուտինն արել է ՀԱՊԿ Հավաքական անվտանգության խորհրդի արտահերթ նիստում՝ հայտնում է ՌԻԱ Նովոստին։
Պուտինը նաև նշել է, որ ՀԱՊԿ ստորաբաժանումները գտնվում են Ղազախստանում հանրապետության ղեկավարության պաշտոնական խնդրանքի հիման վրա, ինչը լիովին համապատասխանում է 1992 թվականի Հավաքական անվտանգության հիմնարար պայմանագրի 4-րդ հոդվածին։