Աշխատանքի և սոցիալական հարցերի նախարարությունը մշակել ու հանրային քննարկման է ներկայացրել Հայաստանի Հանրապետությունում մարդկանց թրաֆիքինգի և շահագործման դեմ պայքարի կազմակերպման 2023-2025 թթ․ գործողությունների ազգային ծրագիրը։
Նախագծի ընդունումը հնարավորություն կտա առավել համակարգված շարունակել մարդկանց թրաֆիքինգի և շահագործման դեմ պայքարը`
1.իրավական դաշտի բարելավման.
2.կանխարգելմանն ու կարողությունների հզորացմանն ուղղված համապարփակ միջոցառումների իրականացման.
3.վարույթի իրականացման ընթացքում զոհակենտրոն և զոհերի իրավունքների պաշտպանությունը լիակատար ապահովող ընթացակարգերի կիրառման,
4.միջգերատեսչական ակտիվ համագործակցության.
5.մարդկանց թրաֆիքինգի և շահագործման ենթարկված անձանց սոցիալ-վերականգնողական ծառայությունների ընդլայնման ուղղությամբ:
«Հայաստանի Հանրապետությունում մարդկանց թրաֆիքինգի և շահագործման դեմ պայքարի կազմակերպման 2023-2025 թթ․ գործողությունների ազգային ծրագիրը և ծրագրի իրականացման ժամանակացույցը հաստատելու մասին» ՀՀ կառավարության որոշումն ուղղված է հանցագործության կանխարգելմանը, մարդկանց թրաֆիքինգի և շահագործման ենթարկված անձանց հայտնաբերման ու աջակցության տրամադրման, ինչպես նաև երևույթի դեմ պայքարի արդյունավետության ու հանրային իրազեկվածության բարձրացմանը։
Նախագծի վերաբերյալ կարծիքներ և առաջարկներ կարող եք ներկայացնել՝ e-draft իրավական ակտերի նախագծերի հրապարակման միասնական կայքում՝ հետևյալ հղմամբ՝ https://bit.ly/3Sylp1s
Ազգային ծրագիրը մշակվել է Մարդկանց թրաֆիքինգի և շահագործման ենթարկված անձանց նույնացման և աջակցության մասին օրենքի հիման վրա՝ ԱՍՀՆ կողմից՝ ԱՄՆ դեսպանատան և ԱՄՆ ՄԶԳ ներգրավմամբ՝ Մարդկանց թրաֆիքինգի և շահագործման դեմ պայքարի հարցերով խորհրդին կից գործող աշխատանքային խմբի ջանքերով։