Չնայած համացանցում առկա խուճապին՝ շիրակավանցիներից շատերը վստահեցնում են՝ որեւէ արտառոց բան այսօր եւ երեկ հիմնականում չեն նկատել: Ասում են՝ իրենք էլ մյուսների նման համացանցից են իմացել Կարսում տեղի ունեցող զորավարժությունների մասին: Հայ-թուրքական սահմանի այս հատվածը հսկվում է ռուս սահմանապահների կողմից: Անի խոշորացված համայնքի Շիրակավան բնակավայրի վարչական ղեկավարը նշում է՝ հատկապես Արցախյան երկրորդ պատերազմից հետո գյուղացիներն ավելի ուշադիր են սահմանին տիրող իրավիճակին. զորավարժությունների համար ընտրված վայրը, իհարկե, գյուղացիներին մտածելու տեղիք տվել է, սակայն, շիրակավանցիների բնականոն կյանքը, ամեն դեպքում, չի փոխել: