Հարազատ դպրոցի բակում որդիների ձեռամբ բացվեց Հովհաննես Խաչատրյանի հիշատակին նվիրված խաչքարը:
Հովհաննեսը 2020 թվականի Արցախյան 44- օրյա պատերազմում քաջաբար զոհված հայորդիներից մեկն էր, որը կյանքը չխնայեց հանուն հայրենիքի: Խաչքարի հեղինակը Հովհաննեսի մորաքրոջ տղան է: Ազատի խոսքով, եղբայրն իրենց ցավոտ հպարտություն ու վաղվա օրը սեփական հայրենիքում կերտելու պարտք թողեց: