Անցնող շաբաթվա ընթացքում «Հայաստան» Համահայկական հիմնադրամի փոխտնօրեն Արարատ Խլղաթյանն այցելել է Արցախ՝ ծանոթանալու հիմնադրամի ֆինանսավորմամբ Արցախում իրականացվող ծրագրերի ընթացքին։ Այս մասին հայտնում են Արցախի քաղաքաշինության նախարարությունից:
Նախարար Արամ Սարգսյանի հետ միասին շրջայցի արդյունքում վերջիններս եղել են մայրաքաղաքի և շրջանների մի շարք շինհրապարակներում, ծանոթացել բնակարանաշինական և ճանապարհաշինական աշխատանքներին։
Շրջայցի արդյունքում՝ շինարարական կազմակերպությունների ներկայացուցիչներին տրվել են ցուցումներ՝ շինաշխատանքերի պատշաճ կազմակերպման և այլ ընթացիկ հարցերի ուղղությամբ, ինչպես նաև ընդգծվել սահմանված ժամկետներում աշխատանքների իրականացման առաջնահերթությունը։