Հայ-ադրբեջանական սահմանին ԵՄ դիտորդական առաքելությունն իր գործունեությունը կսկսի երկուշաբթի` փետրվարի 20-ին:
Ավելի վաղ Գերմանիայի նախարարների դաշնային կաբինետը որոշում է ընդունել այն մասին, որ Գերմանիան Հայաստան-Ադրբեջան սահմանի երկայնքով տեղակայվող առաքելության կազմում ներկայացված կլինի առավելագույնը 15 ոստիկանով:
Դաշնային կառավարությունը նաև առաջարկում է ուղարկել քաղաքացիական փորձագետների:
Ընդհանուր առմամբ շուրջ 100 կին և տղամարդ են ներառված լինելու ԵՄ առաքելության կազմում` Գերմանիայի դաշնային ոստիկանության սպայի գլխավորությամբ:
Նախապես երկու տարով նախատեսված այս առաքելության նպատակը հրադադարի ռեժիմի մոնիթորինգն է և Հայաստանի ու Ադրբեջանի միջև վստահության ամրապնդմանն աջակցությունը:
ԵՄ մանդատի համաձայն` առաքելության նպատակն է նաև սահմանին ապրող բնակչության համար ռիսկերի նվազեցումն ու այդ կերպ երկրների հարաբերությունների կարգավորմանը նպաստելը: