Հայաստանում կորոնավիրուսի նոր շտամով վարակվածության դեպք չի հաստատվել: Այս մասին խորհրդարանում լրագրողների հետ զրույցում հայտնեց ՀՀ Առողջապահության նախարար Անահիտ Ավանեսյանը:
«Շտամի հայտնաբերումն իրականացվում է լրացուցիչ հետազոտության միջոցով: Մենք իրականացրել ենք մի քանի խմբաքանակների սեգմենտավորում, այդ ընթացքում չեն հայտնաբերվել նման շտամներ: Այս պահին աշխատանքներ ենք տանում, որ ավելի մեծ թվով սեգմենտավորում կարողանանք իրականացնել»,- ասաց Ավանեսյանը:
Կորոնավիրուսի բրիտանական և աֆրիկյան նոր շտամներ են հաստատվել աշխարհի մի շարք երկրներում: