Հիվանդությունների վերահսկման և կանխարգելման ազգային կենտրոնից տեղեկացնում են, որ լաբորատոր հետազոտությունների արդյունքում Հայաստանում գրանցվել է Արևմտյան Նեղոսի տենդով վարակման 128 դեպք:
Հիշեցնենք՝ սեպտեմբերի 7-ից 13-ը ՀՀ-ում հայտնաբերվել է Արևմտյան Նեղոսի տենդով վարակման 20 դեպք: Արևմտյան Նեղոսի տենդ հիվանդությամբ Հայաստանում գրանցվել է մահվան 4 դեպք:
Վարակաբանները զգուշացնում են, որ այս հիվանդությունը պատվաստանյութ չունի, չհիվանդանալու համար պետք է պաշտպանվել նույն մեթոդներով, որոնցով ավանդաբար պաշտպանվում են մոծակներից, այսինքն՝ ծածկել մարմինը և քնել մոծակապաշտպան տարածքում: