Հայաստանի 10 մարզում 80.128 բռնի տեղահանված անձ կա

ՀՀ 10 մարզում այսօրվա դրությամբ 80 128 ԼՂ-ից բռնի տեղահանված անձ կա: Նրանք տեղաբաշխված են եղել հյուրանոցներում, հյուրատներում, հարմարեցված շենք-շինություններում և անհատական բնակելի տներում: Այդ մասին ճեպազրույցի ժամանակ ասաց ՏԿԵ նախարար Գնել Սանոսյանը:

Այս պահի դրությամբ, սակայն, մարզերում տեղաբաշխվածներից 1629-ն են հարմարեցված շենք-շինություններում ապրում, և մարզպետները զբաղված են նրանց այլ, ավելի համար վայրեր տեղափոխելու գործընթացով:

«Երեկ և այսօր եթե համեմատենք, մոտ 300 մարդ հյուրանոցներից տեղափոխվել է առանձին բնակարաններ կամ առանձնատներ, և հյուրանոցներում հիմա կա 7782 անձ»,- ասաց նախարարը:

Սանոսյանը նաև տեղեկացրեց, որ բռնի տեղահանվածներին տեղավորելու գործընթացին զուգընթաց տեղի է ունենում նաև կարիքների գույքագրում:

Նախարարը նաև տեղեկացրեց, որ տեղահանվածների կարիքները հոգալու համար Կառավարությունը պարբերաբար գումար է տրամադրում մարզպետարաններին: Այսօր այդ գումարը 1 միլիարդ 360 միլիոն դրամ է, առաջիկայում՝ հավանաբար երկուշաբթի կամ երեքշաբթի, հաջորդ հատկացումը կլինի մարզերին:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում