Հայաստանի բասկետբոլի ֆեդերացիայից հայտնում են՝ Հայաստանի ազգային հավաքականը հաջողությամբ ավարտեց իր մասնակցությունը Աբու Դաբիի միջազգային մրցաշարում:
Եզրափակիչ խաղում մեր թիմը մրցեց Արաբական Միացյալ Էմիրությունների հավաքականի հետ:
Հանդիպումն ավարտվեց Հայաստանի հավաքականի հաղթանակով՝ 87:81 հաշվով։
Խաղի ամենաարժեքավոր խաղացող է ճանաչվել Արտյոմ Թավակալյանը:
Ֆեդերացիայից տեղեկացնում են, որ Հայաստանի հավաքականը մրցաշարին մասնակցել է փորձնական կազմով: