ԱՄՆ նորընտիր նախագահ Ջո Բայդենը հայազգի Հայկ Հաջինազարյանին նշանակել է Սպիտակ տան տարածաշրջանային հաղորդակցության վարչության ղեկավար: Այս մասին նշվում է ԱՄՆ նորընտիր նախագահի ու փոխնախագահի համատեղ հաղորդագրության մեջ:
Աղբյուրի հաղորդմամբ՝ նորանշանակ պաշտոնյաները որակյալ ու փորձառու մասնագետներ են և պատրաստ են առաջին օրվանից «արդյունք ցույց տալ»:
Արևմտյան Փենսիլվանիայում Հայկ Հաջինազարյանը Բայդենի նախընտրական քարոզարշավի մամուլի քարտուղարն էր: Մինչ այդ, ընտրությունների ժամանակ նա տեղեկատվական աջակցություն էր ցուցաբերում Նյու Հեմփշիրում, Նևադայում, Թեքսասում, Օհայոյում և մյուս նահանգներում:
Հայկ Հաջինազարյանն աշխատել է Կապիտոլիումում, նախ՝ որպես Ինդիանա նահանգից ընտրված սենատոր Ջո Դոնելիի խոսնակ, այնուհետև՝ որպես Ներկայացուցիչների պալատի ազգային անվտանգության կոմիտեի խոսնակի տեղակալ։