Մինչև երկուշաբթի Կուրսկի մարզ կտեղափոխվեն Հյուսիսային Կորեայի հինգ հազար «էլիտար» մարտիկներ՝ գրել է The New York Times-ը:
Պարբերականի տվյալով՝ առաջին անգամ հյուսիսկորեացի մարտիկներ ռուս-ուկրաինական ռազմական գործողությունների դաշտ են տեղափոխվել հոկտեմբերի 23-ին, և այժմ տեղափոխումը շարունակվում է։ The New York Times-ի աղբյուրը հայտնել է, որ զինվորներին Վլադիվոստոկից Ил-76 խոշոր տրանսպորտային ինքնաթիռներով ուղարկում են ՌԴ արևմտյան մասում գտնվող ռազմական օդանավակայան, որից հետո տեղափոխում են ռազմական գործողությունների գոտի։
Ավելի վաղ Հարավային Կորեայի ԱԳՆ էր կանչվել Սեուլում Ռուսաստանի դեսպանը։ Կորեայի Հանրապետությունը քննադատել է Ռուսաստան զինվորներ ուղարկելու Փհենյանի որոշումը: Հյուսիսային Կորեան ո՛չ հաստատել, ոչ էլ հերքել է մեղադրանքները: