Կբարեկարգվի Մարմաշենի վանական համալիր տանող ճանապարհը և հարակից տարածքը

ՀՀ զբոսաշրջության կոմիտեից հայտնում են, որ «Տեղական տնտեսության և ենթակառուցվածքների զարգացման» ծրագրի շրջանակներում նախատեսվում է իրականացնել «Մարմաշեն վանական համալիր տանող ճանապարհի հիմնանորոգում և հարակից տարածքի բարեկարգում» ծրագիրը, որի նպատակն է բարեկարգել Մարմաշենի վանական համալիր տանող ճանապարհը և հարակից տարածքը՝ ներառելով ավտոկայանատեղիի կառուցում, վաճառահրապարակի բարեկարգում, ըստ անհրաժեշտության՝ հանգստի գոտու ստեղծում: Նախատեսվում է կատարել հետևյալ աշխատանքները.

  • 2,4 կմ ճանապարհի հիմնանորոգում, հեծանվաուղու գծանշում.
  • ճանապարհը եզերող տեղանքից երկաթբետոնե շինաղբի հեռացում.
  • ճանապարհը ջրահեռացման տարրերով համալրում.
  • լուսավորման ցանցի կառուցում.
  • եկեղեցու աջակողմյան պատի ջրամեկուսացման, ամրակայման խնդրի լուծում.
  • ավտոկայանատեղիի, վաճառահրապարակի, սանհանգույցի կառուցում.
  • աղբյուրի հարակից տարածքի բարեկարգում, հանգստի գոտու ձևավորում.
  • վանքից դեպի Ախուրյան գետ իջնող աստիճանների բարեկարգում, դիտահարթակի կառուցում.
  • ըստ անհրաժեշտության՝ նստարանների, աղբամանների տեղադրում, զբոսաշրջային և ճանապարհային ցուցանակներով կահավորում։
Շինարարական աշխատանքները նախատեսվում է ավարտել 2023 թ․ ընթացքում։
«Տեղական տնտեսության և ենթակառուցվածքների զարգացման» ծրագիրն իրականացվում է ՀՀ կառավարության և Համաշխարհային բանկի համաֆինանսավորմամբ։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում