Սառնաղբյուրում ահել ու ջահել նախապատրաստվում են գյուղատնտեսական աշխատանքներին:Հերթական անգամ մաքրում են տնամերձ այգիները, հույս չունենալով սակայն, որ օրերից մի օր այդ հողից կարգին բերք կստանան: Գյուղը ժամանակին մթերք էր արտահանում, հիմա անգամ կարտոֆիլ աճեցնելն է խնդիր. պատճառը ոռոգման ջրի բացակայությունն է: Ոռոգման ջուրը գյուղամեջ է հասնում գյուղից մոտ 2 կմ հեռավորության վրա գտնվող Սառնաղբյուրի ջրամբարից: