Իտալացի միանձնուհին, ով 2024-ի սկզբին մրցանակ է ստացել բանտերում իր կամավոր աշխատանքի համար, ձերբակալվել է մաֆիայի միջնորդ լինելու կասկածանքով:
Ըստ իտալական լրատվամիջոցների՝ 57-ամյա Աննա Դոնելլին որպես խորհրդատու աշխատել է Բրեշիայի (Իտալիայի հյուսիս) և շրջակայքի մի քանի բանտերում։
Եվս 24 մարդ կալանավորվել է մաֆիայի հետ կապված հանցագործությունների համար, այդ թվում՝ փողերի լվացման, թմրամիջոցների ապօրինի շրջանառության և շորթման՝ ոստիկանության լայնածավալ գործողության շրջանակներում: Նա բանտում հանդես է եկել որպես միջնորդ Տրիպոդի կլանի անդամների համար, որը «Նդրանգետա» հզոր հանցավոր խմբավորման մաս է կազմում:
Այդ հարաբերություններում դրամական հարց չի եղել, խոսքը ծառայությունների փոխանակման մասին է:
Ըստ դատախազ Ֆրանչեսկո Պրետեի, նա հրամաններ, հրահանգներ, բարոյական և նյութական օգնություն է փոխանցել իր հանցակիցներին՝ ստանալով բանտարկյալներից օգտակար տեղեկատվություն հանցավոր ռազմավարություններն ավելի լավ պլանավորելու համար: