Գյումրու մարզական բարձրագույն վարպետության դպրոցում ենք: Կրտսեր Էդվարդը ուսումնասիրում է ծանրամարտի մարզասրահը, որտեղ տարիներ շարունակ մարզվել է իր հորեղբայրը՝ Էդվարդ Մարանջյանը:Ավաղ արցախյան 44-օրյա պատերազմը ընդհատեց Էդուարդի սպորտային պոտենցիալով ու նպատակներով լի կյանքը, նա հերոսաբար զոհվեց Ջրականում: Արցախյան պատերազմի անմահ հերոս Էդվարդ Մարանջյանի հիշատակին նվիրված մրցաշարում 67 կգ քաշային կարգում 226 կգ երկամարտի գումարով առաջին տեղը գրավեց Թորգոմ Սահակյանը: 67-ը Էդվարդի քաշային կարգն է եղել, ուստի այս մրցույթին մասնակցելը կրկնակի պատասխանատվություն էր,- ասում է Թորգոմն ու հաղթանակը նվիրում Էդվարդին: