ԱԺ ութերորդ գումարման առաջին նստաշրջանին ընդառաջ՝ նորընտիր պատգամավորներին խորհրդարանը դիմավորեց խորհրդանշական «Խորհրդարան 1918-1920» խորագիրը կրող ցուցադրությամբ: Առաջին գումարման ընթացքում խորհրդարանը գումարել է 87 նիստ, ընդունել 427 օրենք: Ցուցասրահում ներկայացված վավերագրերն ամբողջացված են 2018-ին՝ Առաջին հանրապետության խորհրդարանի 100-ամյակին նվիրված ժողովածուում:
Վավերագրերի ու լուսանկարների այս եզակի ժողովածուն ամփոփ պատմություն է Հայաստանում խորհրդարանական պետության ստեղծման մասին: Այն ընդգրկում է քաղաքական ուժերի կազմի, նրանց փոխհարաբերությունների, ընդունած օրենքների մասին կարեւոր փաստաթղթեր, որոնք ապացուցում են, որ Առաջին հանրապետության խորհրդարանը լիովին համապատասխանում էր պառլամենտարիզմի չափանիշներին: