Իսպանական Լա Լիգայի ընտրական հանձնաժողովը նախապես հայտարարեց Խավիեր Տեբասին լիգայի նախագահ հռչակելու մասին, քանի որ նա միակ ներկայացված թեկնածուն էր։
«Քննելով պարոն Խավիեր Տեբաս Մեդրանոյի ներկայացրած թեկնածությունը՝ համոզվելով, որ այն ներկայացվել է ժամանակին և պատշաճ ձևով և ընդունված օրենսդրական և կարգավորող դրույթներին համապատասխան, և այլ թեկնածուների բացակայության պայմաններում, պարոն Խավիեր Տեբաս Մեդրանոյին ժամանակավորապես հռչակել Լա լիգայի նախագահ»,- հանձնաժողովի որոշման տեքստը մեջբերում է Marca-ն։
Դեկտեմբերի 14-ին հանձնաժողով է հավաքվելու՝ քննարկելու հնարավոր դիմումները կամ, անհրաժեշտության դեպքում, նախագահի հայտարարությունը վերջնական դարձնելու համար։ Ընտրական հանձնաժողովի որոշումների դեմ բողոքարկումներ չլինելու դեպքում այն կարող է միաձայն նիստը հետաձգել 2023 թվականի դեկտեմբերի 12-ին։
Սա կլինի Տեբասի չորրորդ ժամկետը Լա Լիգայում, որը նա գլխավորում է 2013 թվականի ապրիլից։