Ուկրաինական ԶԼՄ-ների փոխանցմամբ՝ Լվովում սպանվել է Գերագույն ռադայի նախկին նախագահ Անդրեյ Պարուբին:
Ուկրաինայի ազգային ոստիկանությունը հայտնել է, որ քաղաքի Սիխով շրջանում տեղի ունեցած կրակոցների հետևանքով զոհվել է 1971 թվականին ծնված հայտնի հասարակական և քաղաքական գործիչ, առանց նշելու նրա անունը։ Ավելի ուշ Պարուբիի մահը հաստատել է Լվովի մարզային ռազմական վարչակազմի ղեկավար Մաքսիմ Կոզիցկին։
Սկսվել է հետաքննություն, որին մասնակցել են Ազգային ոստիկանության գլխավոր քննչական վարչության, Լվովի մարզային ոստիկանության, Ուկրաինայի անվտանգության ծառայության և այլ գերատեսչությունների աշխատակիցներ: Նախնական տվյալներով, կրակոցների հեղինակը սննդի առաքման ընկերության աշխատակիցն է եղել, ով որոնվում է: