Գյումրիում էին Լոզանի համալսարանի և«Արմենիա» բարեգործական հիմնադրամի ներկայացուցիչներն՝ ի դեմս շվեյցարահայ բարերար և հիմնադրամի ղեկավար Վահե Գաբրաշի: Լոզանի համալսարանի հյուրընկալության դպրոցի մասնաճյուղի կառուցման աշխատանքներին զարկ տալու, աշխատանքային քննարկումների նպատակով համայնքի ղեկավար Վարդգես Սամսոնյանի գլխավորությամբ աշխատանքային խումբը եղավ նախկին Գյուլբենկյանի անվան հիվանդանոցի շենքում, որը, ինչպես արդեն հայտնի է, կծառայի դպրոցին: Մի քանի տարածքներ դիտարկելով՝ նպատակահարմար են գտել հենց այս կառույցը,- նշում է Վահե Գաբրաշը: Լոզանի համալսարանն արդեն հաստատել է շենքի վերակառուցման նախագիծը: