Տրիպոլիում սպանվել է Լիբիայի նախագահական խորհրդի անվտանգության ծառայության ղեկավար Աբդել Ղանի ալ-Քիքլին, իսկ քաղաքի մի քանի շրջաններում կրակոցներ են լսվել, գրում է Al Wasat-ը։
Լիբիական լրատվամիջոցների փոխանցմամբ՝ Տրիպոլիի Միտիգա միջազգային օդանավակայանը դադարեցրել է գործունեությունը բախումների պատճառով։
Սոցիալական ցանցերում հրապարակվում են կադրեր, որոնք ենթադրաբար դեպքերի վայրից են։
Լիբիայի Տրիպոլի քաղաքի արտակարգ ծառայությունը հայտարարել է բարձր պատրաստվածության վիճակի մասին, հայտնել է նրանց ներկայացուցիչը լիբիական Al Wasat հեռուստաալիքի եթերում։
Լիբիայում ՄԱԿ-ի առաքելությունը մտահոգ է Տրիպոլիում բախումներով և կողմերին կոչ է անում դադարեցնել մարտերը։
Շտապբուժօգնության ծառայությունը հաղորդում է, որ բախումների հետևանքով վեց մարդ է վիրավորվել։