ՄԱԿ-ի չորս իտալացի խաղաղապահ վիրավորվել է Լիբանանի հարավում իրենց դիրքի ուղղությամբ մարտական արկերի ընկնելու հետևանքով՝ հայտնել են Լիբանանում ՄԱԿ-ի խաղաղապահ ուժերը:
«Հրթիռները հարվածել են Լիբանանում ՄԱԿ-ի ժամանակավոր ուժերի կենտրոնակայանին, ինչի հետևանքով չորս իտալացի խաղաղապահ վիրավորվել է։ Նրանք այժմ բուժվում են հիվանդանոցում։ Բարեբախտաբար, վնասվածքներից ոչ մեկը կյանքին սպառնալիք չի ներկայացնում»,- ասվում է հաղորդագրության մեջ։
Մեկ շաբաթվա ընթացքում սա արդեն երրորդ հարձակումն է ՄԱԿ-ի ժամանակավոր ուժերի ռազմակայանի վրա: Լիբանանում ՄԱԿ-ի խաղաղապահ ուժերը հակամարտության կողմերին կոչ են արել խուսափել իրենց դիրքերի մոտ մարտական գործողություններից և հիշեցրել, որ ՄԱԿ-ի տարածքների և անձնակազմի անձեռնմխելիությունը պետք է մշտապես պահպանվի: