Անցյալ շաբաթ Մոսկվայում կայացած բանակցություններում ձեռք բերված Լեռնային Ղարաբաղում զինադադարի մասին համաձայնագիրը լիովին չի պահպանվում, ռազմական գործողությունները շարունակվում են, հայտարարել է Ռուսաստանի ԱԳՆ ղեկավար Սերգեյ Լավրովը իր հայ գործընկերոջ հետ հանդիպմանը:
«Ձեր այցը համաձայնեցված էր վաղուց, բայց, իհարկե, այն տեղի է ունենում լուրջ ջանքերի ֆոնին, որին մասնակցում են միջազգային հանրության շատ անդամներ», – ասել է Լավրովը:
«Անցյալ ուրբաթ և շաբաթ, շաբաթ օրվա առնվազն մի մասը, մենք անցկացրել ենք այս շենքում մեր ադրբեջանցի գործընկերոջ հետ միասին, նախագահ Պուտինի (Վլադիմիր) նախաձեռնությամբ ձեռք է բերվել կարևոր պայմանավորվածություն: Եվ մենք տեսնում ենք, որ այս պայմանավորվածությունը դեռ լիովին չի պահպանվում, և ռազմական գործողությունները շարունակվում են», – հավելել է նա: