Սեպտեմբերի մեկից Շիրակի մարզպետարանում մեկ տարի ժամկետով աշխատանքի կանցնի Ռուսաստանից Հայաստան ժամանած Սոֆյա Սեյրանովան: Սփյուռքահայ մասնագետը «Ի գործ» ծրագրի մասնակից է, ծնվել է Երեւանում, սակայն կյանքի հետագա տարիներն անցկացրել է Ռուսաստանում: Սոֆյան բակալավրի եւ մագիստրոսի գիտական աստիճան է ստացել Սարատովի ազգային հետազոտական համալսարանում, աշխատել է տարբեր կազմակերպություններում եւ այժմ որոշել է տեղափոխվել Գյումրի՝ իր փորձն ու գիտելիքները ծառայեցնելով մարզպետարանի գործունեությանը: Սփյուռքահայ մասնագետը մարզպետարանում աշխատելու է արտաքին կապերի եւ միջազգային հարաբերությունների ուղղությամբ: