Tert.am Ռուսաստանում Իրանի դեսպան Ղասեմ Ջալալին և ՌԴ փոխարտգործնախարար Օլեգ Սիրոմոլոտովը քննարկել են երկու երկրների միջև համագործակցությունն ահաբեկչության և ծայրահեղականության դեմ պայքարում:
Ինչպես փոխանցում է «Թանսիմ» գործակալությունը, դիվանագետները հանդիպում են անցկացրել Մոսկվայում նոյեմբերի 18-ին:
«Բարեկամական հանդիպման ժամանակ քննարկվել է Իրանի և Ռուսաստանի համագործակցությունը ծայրահեղականության և ահաբեկչության դեմ պայքարում»,- ասվում է դեսպանի հայտարարության մեջ:
Վերջինս նշել է, որ Թեհրան-Մոսկվա հարաբերությունները հիմնված են տարբեր տարածաշրջանային և միջազգային հարցերի շուրջ խորհրդակցությունների:
«Իրանը կարծում է, որ տարածաշրջանում և ողջ աշխարհում խաղաղության ու կայունության հասնելու միակ ճանապարհը միջազգային օրենքը հարգելը և ահաբեկչության սպառնալիքների դեմ միասին պայքարելն է»,- հավելել է իրանցի պաշտոնյան: