Իրանի միջուկային ծրագրի շուրջ բանակցություններից հետո ԵՄ ներկայացուցիչը կմեկնի ԱՄՆ

Թեհրանում Իրանի ԱԳ փոխնախարար Ալի Բաղերի Կանիի հետ բանակցություններից հետո Իրանի միջուկային գործարքի շուրջ բանակցությունների համակարգող, Եվրամիության դիվանագիտական ծառայության քաղաքական տնօրեն Էնրիկե Մորան մարտի 28-ին կմեկնի Վաշինգտոն՝ տեղեկացնում է Tasnim գործակալությունը։

Նշվում է, որ Մորան Թեհրան կժամանի մարտի 26-ի երեկոյան, իսկ մարտի 27-ին Իրանի ԱԳ փոխնախարարի հետ կքննարկի միջուկային գործարքի հետ կապված չլուծված հարցերը: Հաջորդ իսկ օրը Մորան կմեկնի Վաշինգտոն՝ խորհրդակցելու ԱՄՆ պաշտոնյաների հետ: