Իրանի արտաքին քաղաքականությունը կենտրոնացած է տարածաշրջանի երկրների, այդ թվում՝ ՇՀԿ-ի անդամների հետ առավելագույն փոխգործակցության և կապի, ինչպես նաև տարածաշրջանային և միջազգային պայմանավորվածություններին արդյունավետ մասնակցության վրա, ուրբաթ Շանհայի համագործակցության կազմակերպության 22-րդ գագաթնաժողովում իր ելույթում ասել է Իրանի նախագահ Էբրահիմ Ռաիսին:
Ինչպես գրում է IRNA գործակալությունը, նա կարևորել է արտաքին միջամտության ազդեցությունը Մերձավոր Արևելքի տարածաշրջանում և ԱՄՆ-ի փորձերը՝ անկայունություն տարածելու Ասիայի այլ տարածաշրջաններում և կոչ է արել Ասիայում անվտանգության նոր մոդել ստեղծել՝ հիմնված առանց արտաքին միջամտության բազմակողմանիության խորացման և համատեղ զարգացման վրա։
ՆԱՏՕ-ի ցանկացած ձևով քաղաքականության շարունակությունը սպառնալիք է տարբեր տարածաշրջանների համար, նշել է Ռաիսին՝ ընդգծելով Կովկասում խաղաղության և անվտանգության անհրաժեշտությունը և տարածքային ամբողջականությունը, ինքնիշխանությունը հարգելու, Հայաստանի և Ադրբեջանի միջև վեճում ճանաչված սահմանների ցանկացած փոփոխության մերժումը։