«Սթրիթ արտ» կամ փողոցի արվեստը կերպարվեստի ժամանակակից ուղղություն է, որտեղ շեշտադրվում է ամեն մանրամասնություն՝ ստվեր, գույն, գիծ: «Սթրիթ արտ»-ում կարեւորը ոչ թե տարածքը յուրացնելն է, այլ արվեստասերի հետ երկխոսության մեջ մտնելն ու տարբեր սյուժեներ պատկերելը: «Սթրիթ արտ»-ի հիմնական մասը գրաֆիտին է, բայց այն նաեւ ներառում է ոչ կոմերցիոն պաստառներ, ինչպես նաեւ ճարտարապետական տեղադրումներ: