Օրվա ընթացքում մոտավորապես 4000 մեքենա է երթևեկում Գյումրի- Վանաձոր մայրուղով: Գյումրիում գտնվող 2 գծանցումներից մեկը հենց այս ճանապարահատվածում է: Գնացքների և մեքենաների բախման դեպքերի թիվն էլ վերջին 5 տարիներին 17 է եղել, դրանք շատ հաճախ կյանքին սպառնացող դեպքեր են, ուստի երթևեկության կանոնների պահպանումը հատկապես գծանցումների մոտ խիստ անհրաժեշտ է: Արդեն 4-րդ տարին է « Հարավկովկասյան երկաթուղու» աշխատակիցների նախաձեռնությամբ իրականացվում է իրազեկման միջոցառում պատահարների նվազեցման ու կանխարգելման նպատակով: « Հարավկովկասյան երկաթուղու» «Գյումրի գծի ուղեմասի» աշխատակիցների և պարեկային ծառայողների կողմից իրազեկման թերթիկներ բաժանվեցին նաև այս հատվածով երթևեկող վարորդներին: