Հայաստանի Հանրապետությունում շներին վնասելը փաստացի հանցագործություն է եւ ենթակա է քրեական պատասխանատվության: Իսկ ի՞նչ անել, եթե շներն այս կամ այն կերպ վտանգում են մարդկանց անվտանգությունը եւ սահմանափակում տեղաշարժի հնարավորությունը: Այս խնդրով ահազանգեր առաջին անգամ չէ, որ ստանում ենք:
Նախօրեին՝ երեկոյան, Գյումրու Մուշ թաղամասի շենքերից մեկի բնակիչները 4 ժամ շարունակ մնացել են դրսում, ըստ իրենց՝ պատճառը շքամուտքում եղած շներն են, որ վտանգ են ներկայացրել շենք մուտք գործող անձանց համար: