Հիվանդությունների վերահսկման և կանխարգելման ազգային կենտրոնից հայտնում են․

«Վարակներից պաշտպանվելու համար՝

-Հաճախ և ճիշտ լվացեք ձեռքերը օճառով՝ ուտելուց առաջ, սնունդ պատրաստելու ընթացքում, դրսից տուն վերադառնալուց և զուգարանից օգտվելուց հետո

-Օգտագործեք անվտանգ խմելու ջուր։ Եթե ջրի որակի վերաբերյալ կասկածներ ունեք, այն նախապես եռացրեք

-Մրգերն ու բանջարեղենը մանրակրկիտ լվացեք անվտանգ խմելու հոսող ջրի տակ

-Սննդամթերքը պահեք համապատասխան պայմաններում

-Լիարժեք եփեք կամ տապակեք սննդամթերքը

-Խուսափեք երկար ժամանակ սենյակային ջերմաստիճանում պահված սննդից

-Հում և պատրաստի սննդամթերքի համար օգտագործեք առանձին տախտակներ, դանակներ և այլ պարագաներ խաչաձև աղտոտումը կանխելու համար

-Սնունդ գնեք միայն վստահելի առևտրի կետերից և ուշադրություն դարձրեք պիտանելիության ժամկետին

-Ախտանիշների ի հայտ գալու դեպքում անհրաժեշտ է դիմել բժշկի և խուսափել ինքնաբուժումից։

Հիշե՛ք՝ սուր աղիքային վարակիչ հիվանդությունների կանխարգելման հիմքում անձնական հիգիենան, անվտանգ սնունդը և մաքուր ջրի օգտագործումն են»,-նշվում է հայտարարության մեջ։