Թուրքիան հուսով է, որ Ուկրաինայում շփման գծի ողջ երկայնքով Ռուսաստանի կողմից հայտարարված հրադադարի ռեժիմը կերկարաձգվի։ Այս մասին հայտարարել է Թուրքիայի նախագահի պաշտոնական ներկայացուցիչ Իբրահիմ Քալընը։
Նրա խոսքով՝ Անկարան պատրաստ է առավելագույն ջանքեր գործադրել ռազմական գործողությունները դադարեցնելու նպատակով երկխոսության պայմաններ ձևավորելու համար։
«Մեր կարծիքով՝ հրադադարի ռեժիմը պետք է գործի ոչ թե 36 ժամ, այլ ավելի։ Այս հարցի շուրջ միասնական որոշում դեռ չի կայացվել, ինչը փակուղու ցուցանիշ է, որում գտնվում են հակամարտության կողմերը»,- ասել է Քալընը: