Թուրքիայի մի շարք բնակավայրերում շարունակվում են անտառային հրդեհները: ԶԼՄ-ների տվյալով՝ Իզմիր նահանգում կրակն արդեն հասել է բնակելի տարածքներ: Որոշ բնակավայրերում տարհանում է հայտարարվել: Հաղորդվում է տասնյակ տուժածների մասին, այրվել են տներ և ձեռնարկություններ:
Ըստ Թուրքիայի անտառային տնտեսության նախարարության՝ հրդեհը բռնկվել է անհայտ անձանց վառած խարույկի պատճառով:
Թուրքիայում վերջին շրջանում անտառային հրդեհները հաճախացել են. որպես հիմնական պատճառ նշվում է տաք և շոգ եղանակը, որը գիտնականները կապում են կլիմայական փոփոխության հետ: