Թուրքիայում անոմալ տաք ալիք է. երկրի արևելքի մի շարք շրջաններում օդի ջերմաստիճանը մոտեցել է ռեկորդային 50 աստիճան Ցելսիուսի:
Այս մասին հաղորդել է «ՌԻԱ Նովոստի»-ն՝ հղում անելով «Անադոլու» գործակալությանը։
Ծայրահեղ շոգի պատճառով անտառային հրդեհներ են բռնկվել, կան տարհանված շրջաններ:
Թուրքիայի օդերևութաբանության գլխավոր վարչության տվյալներով՝ անոմալ բարձր ջերմաստիճանը կպահպանվի առնվազն մինչև օգոստոսի 2-ը։ Այս ժամանակահատվածում ջերմաստիճանը կանխատեսվում է սեզոնային միջինից 7-12 աստիճանով բարձր լինել։