Թուրքիայի պաշտպանության նախարար Հուլուսի Աքարը պատասխանել է Ռուսաստան-Ուկրաինա պատերազմի պատճառով ստեղծված «պարենային ճգնաժամի» ռիսկերի վերացմանն ուղված Թուրքիայի ջանքերով ստեղծված «հացահատիկային միջանցքի կյանքի կոչման հարցին։
Աքարը հայտնել է, որ ապրիլի 27-ին Թուրքիայի, Ռուսաստանի, Իրանի և Սիրիայի պաշտպանության նախարարների և հետախուզության ղեկավարների միջև Մոսկվայում կայացած քառակողմ հանդիպման շրջանակներում երկկողմ հանդիպում է կայացել նաև Ռուսաստանի պաշտպանության նախարար Սերգեյ Շոյգուի հետ, իսկ ապրիլի 18-ին Կայսերիում հանդիպել էր Ուկրաինայի ենթակառուցվածքների նախարար Ալեքսանդր Կուբրակովի հետ, որից հետո նշել է․
«Կայացած հանդիպումների ընթացքում քննարկել ենք հացահատիկի նախաձեռնությունը, որի շրջանակներում մեր առաջակությամբ և երկկողմ համաձայնությամբ մայիսի 5-ին Ստամբուլում սպասվում է Թուրքիայի, Ռուսաստանի և Ուկրաինայի պաշտպանության փոխնախարարների միջև հանդիպում, որի ընթացքում կքննարկվի մասնավորապես հացահատիկի նախաձեռնությունը։
Հույս ունենք, որ հացահատիկի համաձայնագիրը առանց խափանումների կշարունակի գործել, քանի որ այն ուղղված է տարածաշրջանի անվտանգությանը և կայունությանը, ինչպես նաև այն կարևոր է որոշ երկրների կարիքի տեսանկյունից։
Կողմերը պատրաստակամություն են հայտնել երկարաձգել ժամկետը և մեր ցանկությունն է այս նախաձեռնությունը երկարաձգել առանց խնդիրների»։