Ռոմանն օրեր առաջ է վերադարձել մարտի ամենաթեժ կետերից. հիմա, երբ թիկունքում է, կրկին աշխատում է՝ ի նպաստ հայրենիքի ու հայոց բանակի: Արդեն երկրորդ անգամ է եկել, որ Գյումրիում կարվող քնապարկերը դիրքեր հասցնի, ինչպես ինքն է ասում՝ իր տղերքին:
Ամուր թիկունք՝ հզոր առաջնագծի համար: Տիկին Հերմինեն մասնագիտությամբ ուսուցչուհի է, բայց իր իսկ նախաձեռնությամբ արդեն մեկ ամիս է, ինչ քնապարկեր է կարում ու ուղարկում առաջնագիծ. սկզբից գործընկերուհիների հետ, հիմա էլ միացել են հարեւանուհիներն իրենց երեխաներով: