Վրաստանի մայրաքաղաքում սկսվել է բողոքի ակցիա տեղական ինքնակառավարման մարմինների ընտրության դեմ: Ցուցարարներն ամբողջությամբ փակել են Ռուսթավելու պողոտան։ Թբիլիսիի Ազատության հրապարակը նույնպես փակվել է։
Ընդդիմությունն ավելի վաղ հայտարարել էր, որ ընտրության օրը «խաղաղ հեղափոխություն» է կազմակերպելու։
Կարգուկանոնն ապահովելու նպատակով քաղաքի կենտրոն են տեղափոխվել ուժայիններ Վրաստանի մայրաքաղաքի տարբեր հատվածներից։
Իշխող «Վրացական երազանք» կուսակցությունը հայտարարել է՝ ներքին և արտաքին ուժերը երկրում անկարգություններ են նախապատրաստում:
Կուսակցությունից վստահություն են հայտնել, որ հաղթելու են բոլոր 64 համայնքներում։