Ընտրողը հեռացել է՝ հետը տանելով ծրարը

Ախուրյանի 32/04 ընտրատեղամասում 1851 ընտրողից ժամը 14:00-ի դրությամբ ընտրությանը մասնակցել էր 296 քաղաքացի: Արտառոց դեպքեր առանձնապես տեղի չեն ունեցել, նշեց տեղամասի նախագահը, միայն ասաց, ընտրողներից մեկը ընտրությունից հետո հետը տարել է ծրարը, ստացվում է նշված անձը ընտրությանը չի մասնակցել, վերադառնալու դեպքում նույնիսկ, իր ծրարը քվեատուփ չեն գցի: Ախուրյանի թիվ 1 դպրոցում տեղակայված 32/01 տեղամասում ժամը 15:00-ի դրությամբ 1239 ընտրողից քաղաքացիական պարտքը կատարել է 237 ընտրող: Այստեղ եւս ընթացող ընտրությունները որակեցին պասիվ: