Ֆրանսիայի և Թուրքիայի նախագահները հեռախոսազրույց են ունեցել, քննարկել երկկողմ հարաբերությունները, տարածաշրջանային և համաշխարհային հարցեր։
Թուրքական կողմի հաղորդագրության համաձայն՝ Ռեջեփ Էրդողանը նշել է, որ Փարիզ-Անկարա երկխոսության ընդլայնումը դրական ազդեցություն կունենա երկրների հարաբերությունների վրա։
«Թուրքիան և Ֆրանսիան բազմաթիվ ոլորտներում գործակցության ներուժ ունեն․ խոսքը, մասնավորապես, պաշտպանական արդյունաբերության մասին է»,- նշել է Էրդողանը։
Նա հավելել է՝ Սիրիայի դեմ ԵՄ պատժամիջոցների չեղարկումը շատ ճիշտ քայլ կլինի: Էրդողանի խոսքով՝ հարկավոր է նաև երաշխավորել, որ ՀԱՄԱՍ-Իսրայել հրադադարը պահպանվի, և հակամարտությունը վերջնականապես կարգավորվի: