Թուրքիայի նախագահ Ռեջեփ Էրդողանը հայտարարել է, որ հույս ունի առաջիկա երկու-երեք օրերին բանակցություններ վարել իր ռուս գործընկեր Վլադիմիր Պուտինի հետ, քննարկել ուկրաինական ճգնաժամի կարգավորման ուղղությամբ քայլերը։ Այս մասին նա Ուզբեկստանից վերադառնալու ճանապարհին ինքնաթիռում ասել է լրագրողներին:
Էրդողանը նաև ցանկություն է հայտնել խոսելու Ուկրաինայի նախագահ Վոլոդիմիր Զելենսկու հետ՝ պարզելու Կիևի դիրքորոշումը Մոսկվայի հետ խաղաղ բանակցությունների և դրանցում Թուրքիայի միջնորդական դերի վերաբերյալ։
Թուրքիայի ղեկավարը կարծիք է հայտնել, որ ԱՄՆ-ի գլխավորությամբ՝ Արևմուտքը գրեթե առանց սահմանափակումների հարձակվում է Ռուսաստանի վրա, որն էլ, իհարկե, դիմադրություն է ցույց տալիս: