Զինծառայողներ տեղափոխող ավտոմեքենան շրջվել է. 11-ը տեղափոխվել են հիվանդանոց

Վայոց ձորի մարզում այսօր՝ առավոտյան ժամը 10։40-ի սահմանում, Երևան-Մեղրի ավտոճանապարհին պաշտպանության նախարարության՝ զինծառայողների տեղափոխող ավտոմեքենան շրջվել է:

ՊՆ-ից «Լուրերին» հայտնած տեղեկության համաձայն՝ վթարի հետևանքով 11 զինծառայողներ տարբեր աստիճանի մարմնական վնասվածքներով տեղափոխվել են հիվանդանոց:

Զինծառայողներից մեկը կողի կոտրվածք ունի, մյուսների վիճակը բավարար է, որևէ մեկի կյանքին վտանգ չի սպառնում:

Դեպքի հանգամանքները պարզելու համար Ռազմական ոստիկանությունում նյութեր են նախապատրաստվում:

Related posts

ՊԵԿ նախագահը՝ շրջհարկի փոփոխությունների առնչությամբ քաղաքացիների դժգոհությունների մասին

Լոս Անջելեսում միգրացիոն քաղաքականության դեմ անցկացվող բողոքի ցույցերը վերաճել են լարված բախումների

Պաշտոնատար անձի ուղղորդմամբ քաղաքացին սուտ ցուցմունք է տվել. քրեական վարույթի նյութերը դատարանում են