Ուկրաինայի նախագահ Վոլոդիմիր Զելենսկին դժգոհություն է հայտնել, որ Եվրամիությունը չի համաձայնել Ուկրաինայի արագացված անդամակցությանը կառույցին՝ հայտնում է ՏԱՍՍ-ը։
«Ինչպե՞ս ենք մենք գնահատում հինգշաբթի ԵՄ-ում ընդունված որոշումը: Մենք պետք է ավելի ուժեղ լինենք: Սա այն չէ, ինչին մենք սպասում ենք»,- ասել է նա ուրբաթ տարածված տեսաուղերձում:
Զելենսկին հավելել է, որ «քաղաքական գործիչների որոշումները պետք է համընկնեն իրենց ժողովուրդների տրամադրությունների հետ»՝ վստահ, որ ԵՄ բնակիչների մեծամասնությունը պաշտպանում է Ուկրաինայի եվրաինտեգրմանը:
Ուկրաինայի ղեկավարն ասել է նաև, որ միջազգային գործընկերներից ակնկալում է նոր պատժամիջոցներ Ռուսաստանի դեմ։
Փետրվարի վերջին Զելենսկին դիմել էր ԵՄ-ին՝ Ուկրաինան շատ արագ համայնքին միավորելու խնդրանքով: Մարտի 1-ին նրա գրասենյակի ղեկավար Անդրեյ Երմակը հայտնեց, որ արագացված ընթացակարգով ԵՄ-ին միանալու Ուկրաինայի դիմումն ընդունվել է, գրանցվել և քննարկվում է։