Սպիտակ տանը տեղի ունեցած բանակցություններից հետո ԱՄՆ նախագահը և ՆԱՏՕ-ի գլխավոր քարտուղարը հեռախոսազրույցներ են ունեցել Ուկրաինայի նախագահի հետ: Վոլոդիմիր Զելենսկու խոսքով՝ զրույցները «շատ լավն» են եղել:
«Գնահատում ենք Ուկրաինային լրացուցիչ Patriot ՀՕՊ համակարգեր տրամադրելու պատրաստակամությունը: Ամերիկան, Գերմանիան և Նորվեգիան արդեն համատեղ աշխատում են այդ ուղղությամբ»,- ընդգծել է Ուկրաինայի նախագահը։
Նրա խոսքով՝ կլինեն նաև այլ զենքի մատակարարումներ՝ պաշտպանելու ժողովրդին և հետ մղելու ռուսական հարձակումները:
Զելենսկին վստահեցրել է, որ Կիևը պատրաստ է գործակցել հանուն խաղաղության։ Նա կոչ է արել մեծացնել Ռուսաստանի վրա ճնշումը: