Զարեհ Սինանյանն ԱՄՆ-ում այցելել է Սուրբ Հովհաննես հայ առաքելական եկեղեցի

ԱՄՆ այցի շրջանակներում Զարեհ Սինանյանն այցելել է Միչիգան նահանգի Սաութֆիլդ քաղաքի Սուրբ Հովհաննես հայ առաքելական եկեղեցի և կից համալիր։ Այս մասին հայտնում են Գլխավոր հանձնակատարի գրասենյակից: Արժանապատիվ Տեր Արեն Ջեբեջյանը և Արմաշ քահանա Բաղդասարյանը Գլխավոր հանձնակատարին ներկայացրել են եկեղեցու պատմությունն ու գործունեությունը։

Եկեղեցին հայտնի է իր մեծ ոսկե գմբեթով, ընդարձակ եկեղեցական համալիրում են գտնվում ծխական խորհուրդը, կանանց գիլդիան, Կոմիտասի երգչախումբը, եկեղեցու կիրակնօրյա դպրոցը, Ամերիկայի հայկական եկեղեցու երիտասարդական կազմակերպությունը (ACYOA), Դեթրոյթի կրտսեր և ավագ մասնաճյուղերը, տղամարդկանց միությունը և հայկական ժառանգության և մշակույթի ճեմարանը: Ամերիկահայ վետերանների շենքը նվիրված է Երկրորդ համաշխարհային և Կորեական պատերազմների վետերաններին:

Եկեղեցական տարածքում են գտնվում նաև Ալեք և Մարի Մանուկյան թանգարանը, Էդվարդ և Հելեն Մարտիկյան գրադարանը և Փերիշ գրախանութը։

Այնուհետ Զարեհ Սինանյանն այցելել է Ալեքս և Մարի Մանուկյան թանգարան, որը Հյուսիսային Ամերիկայի հայկական արվեստի և մշակույթի ամենամեծ թանգարանն է: Ութ պատկերասրահները ներկայացնում են Հայաստանի անցյալի և ներկայի եզակի պատկերները, նկարներ, սրբազան անոթներ և զգեստներ, գորգեր, կենցաղային և անձնական իրեր, վաղ տպագիր գրքեր, ձեռագրեր, գործվածքներ և հնագույն իրեր։

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում