Երևան-Գյումրի ավտոճանապարհին վթարի հետևանքով տուժածներից 3-ի վիճակը գնահատվում է ծայրահեղ ծանր, 2-ը վիրահատվում են. ԱՆ

ՀՀ առողջապահության նախարարությունը մանրամասներ է ներկայացրել Երևան-Գյումրի ավտոճանապարհին տեղի ունեցած ՃՏՊ-ից տուժածների առողջական վիճակի մասին:

Նախարարությունից հայտնում են՝ Երևան-Գյումրի ավտոճանապարհին՝ Կաքավաձոր գյուղի մոտ, առավոտյան տեղի ունեցած խոշոր վթարի հետևանքով, նախնական տվյալներով, կա 5 զոհ և տուժածներ:

13 վիրավոր հոսպիտալացվել է:

Նրանցից 10-ը, տարբեր աստիճանի մարմնական վնասվածքներով, տեղափոխվել է «Արմենիա» հանրապետական բժշկական կենտրոն, 3-ի վիճակը գնահատվում է ծայրահեղ ծանր, ներկա պահին 2-ը վիրահատվում են: Մյուսների վիճակը գնահատվում է միջին ծանրության:

Տուժածներից 3-ն էլ տեղափոխվել են Աշտարակի բժշկական կենտրոն, որոնց վիճակը գնահատվել է միջին ծանրության:

Related posts

Հունիսի 7-ին՝ ժամը 21.00-ին, «Երևանի գինու օրերին» ներկա է եղել շուրջ 12 հազար 300 մարդ․ Նիկոլ Փաշինյան

Լոս Անջելեսում բողոքի ցույցեր են տեղի ունեցել ԱՄՆ ներգաղթի հարցերով ծառայության գործողությունների պատճառով

ՀՀ առաջին նախագահ Լևոն Տեր-Պետրոսյանն այցելել է Մայր Աթոռ Սուրբ Էջմիածին